Shtetet e Bashkuara do të përballen me një situatë jo të zakonshme pasi presidenti, Donald Trump, sikurse zëvendëspresidenti Mike Pence, në të njëjtën kohë, do të jenë jashtë vendit.

Presidenti amerikan, Donald Trump, do të udhëtojë me 25 shkurt në Vietnam për një samit me udhëheqësin e Koresë Veriore, Kim Jong Un.

Ndërkohë edhe zëvendëspresidenti, Mike Pence, në të njëjtën ditë do të jetë në Kolumbi për një vizitë një ditore emergjente lidhur me krizën në Venezuelë.

Presidenti dhe zëvendëspresidenti amerikan edhe më parë kanë qëndruar jashtë vendit në të njëjtën kohë. Kjo ka ndodhur gjatë vitit 2018, kur presidenti Trump udhëtoi në Argjentinë për një samit të 20 vendeve më të zhvilluara ndërkaq zëvendëspresidenti Pence qëndroi në Meksikë në inaugurimin e presidentit, Andres Manuel Lopez Obrador. /Rel/