Trumpi fyen Harrisin: Ka lindur e dëmtuar mendërisht
Donald Trump rriti retorikën e tij përçmuese për zëvendëspresidenten Kamala Harris në një tubim të shtunën, duke pretenduar se ajo ka lindur “e dëmtuar mendërisht” dhe është “me aftësi të kufizuara mendore”.
Ish-presidenti i bëri pohimet e rreme në një dhomë mbështetësish në Prairie du Chien, Wisconsin, me sa duket si një mënyrë për të minuar udhëheqjen e Harris në emigracionin, shkruan Independent.
“Joe Biden u dëmtua mendërisht. Kamala, lindi kështu. Ajo ka lindur në atë mënyrë”, tha Trump para audiencës, që shpërtheu në të qeshura, transmeton Telegrafi.
“Dhe nëse mendoni për këtë, vetëm një person me aftësi të kufizuara mendore mund të kishte lejuar që kjo të ndodhte me vendin tonë. Këtë do ta dinte kushdo”, shtoi Trump.
“Kjo” që Trump po i referohej është fluksi i emigrantëve që kanë ardhur në Shtetet e Bashkuara gjatë vitit të kaluar. Një shtyllë e fushatës së Trump po fajëson Harrisin për kalimet e emigrantëve duke pretenduar në mënyrë të rreme se ishte përgjegjësia e saj si zëvendëspresidente për të trajtuar këtë çështje.
Shumë zyrtarë të administratës së Bidenit kanë thënë se Harris kishte për detyrë vetëm të kuptonte shkakun rrënjësor të migrimit masiv në vendet e Amerikës Qendrore, dhe të drejtonte përpjekjet diplomatike për t’i reduktuar ato shkaqe.
Maria Town, presidente dhe drejtoreshë ekzekutive e Shoqatës amerikane të Personave me Aftësi të Kufizuara, ka reaguar ndaj gjuhës së përdorur nga Trump.
“Komentet e Donald Trump sot flasin shumë më tepër për të dhe paragjykimet e tij të pasakta dhe të urrejtjes ndaj personave me aftësi të kufizuara sesa për zëvendëspresidentin Harris, apo çdo person me aftësi të kufizuara”, tha ajo në një deklaratë.
