Ish-presidenti amerikan, Donald Trump ka paraqitur një mocion duke kërkuar imunitet presidencial në çështjen e Xhorxhias, në të cilën  akuzohet për përpjekje për të përmbysur rezultatet e zgjedhjeve të vitit 2020.

Në dokumentacion, avokatët e Trumpit kanë argumentuar se ish-presidenti amerikan duhet të mbrohet nga imuniteti presidencial sepse ai veproi në cilësinë e tij presidenciale kur kundërshtoi votat elektorale të Joe Biden.

“Të komunikosh me zyrtarët shtetërorë për administrimin e zgjedhjeve federale dhe të kërkosh që ata të kryejnë përgjegjësitë e tyre zyrtare në lidhje me zgjedhjet janë përgjegjësi presidenciale”.

“Nga viti 1979 deri në vitin 2023, asnjë president nuk është ndjekur penalisht për veprimet e kryera”, kanë thënë avokatët e Trumpit.