Presidenti  amerikan, Joe Biden dhe zonja e parë Jill Biden, kanë mirëpritur presidentin e zgjedhur Donald Trump dhe Melania Trump në Shtëpinë e Bardhë.

Bideni dhe Trumpi pritet ta mbajnë një takim të shkurtër privat, raporton “CNN”.

Tradicionalisht, presidenti në largim shoqëron më pas presidentin e zgjedhur në Kapitolin e ShBA për ceremoninë e betimit.

Më pas, presidenti në largim dhe zonja e parë zakonisht largohen nga Kapitoli pa ceremoni të hollësishme dhe largohen nga qyteti më vonë gjatë ditës.

Pas largimit të Biden, Trumpi pritet të mblidhet me stafin dhe anëtarët e Kongresit në dhomën e Presidentit pranë dhomës së Senatit. Aty do t’i bëjë nominimet dhe do t’i nënshkruajë urdhrat e tij të parë ekzekutiv si president.