Presidenti i Shteteve të Bashkuara të Amerikës (ShBA), Donald Trump, ka premtuar një “marrëveshje shumë të madhe tregtare” me Britaninë e Bashkuar, duke folur pas një takimi të mëngjesit me kryeministrin britanik, Boris Johnson në Samitin G7 në Biarritz të Francës.

Por, Johnsoni ka thënë se ShBA-ja duhet ta hapë tregun nëse një marrëveshje pas Brexit-it arrihet.

“Nuk mendoj se shesim ndonjë lloj të mishit në Shtetet e Bashkuara”, ka thënë Johnsoni.

Takimi ka ndodhur pas ditës së parë të diskutimeve në mes të liderëve botëror në Samit.

Duke folur para gazetarëve, Trumpi ka thënë se një marrëveshje me Britaninë do të ndodhte shumë shpejtë.

“Do të bëjmë një marrëveshje shumë të madhe tregtare, më e madhja që kemi pasur me Britaninë”, ka thënë ai.

Si anëtare e Bashkimit Evropian, Britania nuk mundet të bëjë marrëveshje tregtare me shtete të tjera, dhe Bashkimi Evropian nuk ka marrëveshje për tregti të lirë me SHBA-në.

Britania deri më tash ka vazhduar 13 marrëveshje tregtare me 38 shtete edhe pas Brexit-it.