Forcat ruse thuhet se, pas protestave të banorëve ukrainas, janë larguar nga një qytet që ata e pushtuan afër centralit bërthamor të Çernobilit ditë më parë.

Sipas një raporti të “Reuters”, kryebashkiaku Yuri Fomichev tha të hënën se trupat kishin përfunduar punën “që kishin vendosur të bënin” dhe ishin larguar nga qyteti Slavutych.

Forcat ruse të shtunën morën kontrollin e Slavutych dhe arrestuan për pak kohë kryebashkiakun, por pushtimi i tyre u protestua nga qindra ukrainas vendas të cilët dolën në rrugë duke mbajtur flamuj dhe ai u lirua më vonë.

Slavutych është shtëpia kryesisht e punëtorëve të nevojshëm për ta mirëmbajtur centralin bërthamor të Çernobilit tashmë jashtë linje – vendi i fatkeqësisë bërthamore në vitin 1986.