Ministri i Jashtëm i Maqedonisë së Veriut, Bujar Osmani, ka bërë me dije ka kontaktuar homologun serb, Ivica Daçiq, në lidhje me dërgimin e ushtrisë serbe përgjatë kufirit me Kosovën.

Osmani ka thënë se e ka mirëpritur deklaratën për tërheqje të trupave si hap të parë për shtensionimin e situatës.

Gjithashtu, Osmani ka potencuar se e ka mirëpritur edhe vendimin e NATO-s për të dërguar trupa shtesë në Kosovë.

“I shqetësuar për rritjen e ushtrisë përgjatë kufirit Kosovë-Serbi. E kontaktova këtë mëngjes ministrin e Jashtëm, Ivica Daçiq. E mirëprita deklarata për tërheqjen si hapin e parë drejt de-përshkallëzimit. E mirëprita vendimin e NATO-s për të dërguar trupa shtesë. OSBE-ja është e gatshme për të ndihmuar për të ulur tensionet dhe për t’u rikthyer në tryezë”, ka shkruar Osmani në platformën “X”.

Concerned abt mil build up along 🇽🇰 🇷🇸 border I contacted @MFASerbia #Dačić this morning. Welcome statement abt withdrawal as 1st step to de-escalation. Welcome @NATO decision for additional #KFOR troops.
OSCE present & ready to assist to reduce tensions & return to dipl.table.

— Bujar Osmani (@Bujar_O) October 1, 2023