Ish-trajneri i Chelseat, Thomas Tuchel ka lënë të kuptohet se mund të rikthehet shumë shpejtë në stolin e trajnerit.

Ai ka pranuar se ka oferta nga disa klube, por ende nuk ka marrë një vendim final për të ardhmen e tij.

“Nuk kam marrë ende një vendim. Tani është koha që unë të bëj një pushim”, ka thënë Tuchel për “Sport Star”.

Ai ka shtuar se disa klube e kanë kontaktuar agjentin e tij, por ata kanë rënë dakord mos ta shqetësojnë së paku edhe për 18 ditët e ardhshme.

“Disa klube kanë thirrur menaxherin tim, por ne ramë dakord që ai të mos më thërriste këtu për këto 18 ditët e fundit”, ka shtuar gjermani.

Kujtojmë që Tuchel së fundmi u shkarkua nga pozita e trajnerit të Chelsea.