Policia turke ka arrestuar 17 shtetas të huaj, nën dyshimet se kanë lidhje me grupin militant Shteti Islamik (ISIS), raporton agjencia e lajmeve “Anadolu”.

Sipas burimeve të kësaj agjenci, të shtatëmbëdhjetit – kombësia e të cilëve nuk është me dije janë arrestuar në Ankara dhe janë duke u marrë në pyetje nga zyrtarët kundër terrorizmit.

Turqia i ka rritur përpjekjet e saj për të goditur militantët e Shtetit Islamik pas vrasjes së liderit të tyre, Abu Bakr al-Baghdadi, nga Shtetet e Bashkuara, muajin e kaluar.

Këtë javë, autoritetet turke kanë thënë se kanë arrestuar edhe motrën, edhe gruan e Baghdadit.