Ministri i Mbrojtjes i Turqisë, Hulusi Akar dhe homologu i tij rus, Sergei Shoigu, gjatë një bisede telefonike kanë diskutuar për zhvillimet në provincën Idlib të Sirisë dhe angazhimet për të ulur tensionet në rajon, ka njoftuar të martën ministria turke e Mbrojtjes.

Një valë e përtërirë e dhunës në Sirinë veriperëndimore ka lënë të vrarë më shumë se 120 civilë.

Gjatë ditës së hënë, rebelët kanë thënë se kanë ndërmarrë një kundërsulm ndaj forcave qeveritare në Provincën Idlib.

Rajoni veriperëndimor i Sirisë është bastion i fundit i opozitës në Siri pas tetë vjetësh të luftës civile.

Më 30 prill, forcat e presidentit sirian Bashar al-Assad, nisën një fushatë të ashpër ndaj enklavave të rebelëve në Hama dhe Idlib.