Presidenti turk Rexhep Tajip Erdogan ka komentuar zhvillimet e fundit politike dhe çështjet rajonale pas mbledhjes së kabinetit.

U theksua se Turqia ndjek nga afër ngjarjet në Lindjen e Mesme. Të tjera çështje të diskutuara në takim ishin lufta kundër terrorizmit, objektivat e inflacionit dhe përmirësimi i treguesve ekonomikë.

Në fjalimin e tij, Erdogan theksoi këto pika kryesore:

“Fatkeqësisht, aktorët perëndimorë, veçanërisht SHBA, janë bërë robër të Izraelit, një grusht sionistësh fanatikë. Turqia po bën gjithçka që është e mundur për t’i dhënë fund ‘barbarizmit’ që ka marrë jetën e 40,000 të pafajshmëve në Gaza në 10 muajt e fundit. , sa më shpejt të jetë e mundur”, tha Erdogan.

Ai shtoi se asnjë sasi e mizorive nuk do të ndalojë mbështetjen e Turqisë për palestinezët.

“Turqia, me të gjitha burimet e saj, i qëndron krah Palestinës në këto ditë të vështira të luftës për mbijetesën e saj. Çfarëdo krimi që të kryejë rrjeti gjakatar i gjenocidit, ajo nuk do ta pengojë Turqinë, popullin turk, të qëndrojë në solidaritet me palestinezët.” tha Erdogan.

Në fund ai tha se ekipi ligjor i Parlamentit turk do të dorëzojë këtë të mërkurë në Gjykatën Penale Ndërkombëtare në Hagë një peticion për t’iu bashkuar padisë për gjenocid kundër Izraelit.