Turqia është varfëruar me 202 miliardë dollarë në pesë vitet e fundit, diçka që rrit shqetësimet te autoritetet financiare të vendit. Sipas të dhënave të Shërbimit turk të Statistikave, Produkti i Brendshëm Bruto i Turqisë kishte arritur një nivel rekord të lartë prej 950 miliardë dollarë në vitin 2013, ndërsa në 2019-ën, ekonomia ka rënë në 748 miliardë dollarë.

Kjo rënie me 202 miliardë dollarë përbën një çështje për vendin, ndërkohë që suksesi i presidentit Recep Tayyip Erdogan është përkthyer te njerëzit me rritjen e pasurisë, ndërkohë që Produkti i Brendshëm Bruto është trefishuar që prej vitit 2002, shkruan
“ScanTv”.

Të gjithë turqit janë varfëruar nga viti 2013, ndërkohë që Produkti i Brendshëm Bruto për frymë në vitin 2019 ka rënë në 9,076 dollarë nga 12,500 dollarë që qëndronte atëherë. Papunësia për këtë periudhë tek të rinjtë është rritur nga për dhjetë për qind, ndërsa inflacioni është rritur nga 7 për qind në 20 për qind.