Presidenti i Këshillit Europian, Donald Tusk, do ta vizitojë Kosovën të enjten (më 26 prill).

Tusk do të ketë takim në Prishtinë me presidentin e vendit, Hashim Thaçi në orën 12:00.

Kjo bëhet e ditur nga faqja e Këshillit Europian ku tregohet orari i Tusk për javën e ardhshme.

Kjo vizitë e Tusk në Kosovë është në vazhdën e vizitave që zyrtari i lartë i BE-së i bën në Ballkanin Perëndimor.

Pos, Kosovës Tusk do ta vizitojë edhe Shqipërinë, Malin e Zi, Serbinë, Maqedoninë dhe Bosnjën.