Boksieri i njohur britanik, Tyson Fury, ka njoftuar të hënën për pensionimin e menjëhershëm nga boksi. Njoftimi i boksierit erdhi vetëm dy ditë pasi promotori Eddie Hearn, zbuloi se ka rezervuar stadiumin “Wembley” në Londër për meçin e shumëpritur të Furyt me Anthony Joshuan, në verë.

Fury ishte pensionuar edhe në vitin 2022, por u kthye gjashtë muaj më vonë “Dua të njoftoj për tërheqjen time nga boksi”, thotë Fury në një video të postuar në “Instagram”. Ai së fundmi, humbi nga Oleksandr Usyk në luftë për tituj të botës. Si profesionist, Fury gjatë karrierës së tij ka zhvilluar 37 meçe, ku ka regjistruar 34 fitore, 2 humbje dhe 1 barazim.