Ministri i Infrastrukturës dhe Transportit, Pal Lekaj, të enjten mori pjesë në përurimin e urës së Smolicës, e gjatë 67 metra dhe kosto mbi 500 mijë euro.

Rruga Dol-Lipovec ka gjatësi afro 4 kilometra, me buxhet mbi 255 mijë euro.

Rruga Ramamat e gjatë afro 3 kilometra me një kosto mbi 171 mijë euro.

Ndërsa rruga Muharrem Domi është e gjatë 715 metra dhe vlera e saj është mbi 155 mijë euro.

Për të gjitha këto projekte që janë investime të MIT-së, ministri Lekaj u shpreh së kanë një qëllim, atë të lidhjes së rrethinës me qytetin dhe të ndaljes së migrimit të brendshëm, si dhe zhvillimit të fshatrave që janë baza e zhvillimit të gjithëmbarshëm ekonomik të Kosovës.

Ministri Lekaj tha se krahas zhvillimit të infrastrukturës nacionale e cila do të vazhdojë deri në përfundimin e plotë të saj, fokus të veçantë do vazhdojë të ketë edhe infrastruktura lokale, e cila po rimëkëmbet me një dinamikë të shpejtë.

/Epoka e re/