Shtëpia e futbollit evropian, UEFA, nën udhëheqjen e shkëlqyer të presidentit Aleksander Čeferin, sot hapi zyrën e saj të re në Stamboll të Turqisë. Kështu ka shkruar në Facebook presidenti i FFK-së, Agim Ademi.

Ai ka theksuar se ky është një hap i rëndësishëm i UEFA-s drejt afrimit me vendet e këtij rajoni.

“Është kënaqësi e veçantë të jem në mesin e liderëve të federatave evropiane të futbollit, me të cilët ndajmë vizionin e përbashkët për zhvillimin afatgjatë dhe të qëndrueshëm të futbollit”.

“UEFA edhe një herë dëshmoi se është e përkushtuar dhe e vendosur të mbështesë të gjitha federatat në rrugëtimin e tyre për zhvillim dhe përparim”, ka shkruar kreu i FFK-së, Agim Ademi.