Tashmë edhe tifozët miq mund të ndjekin nga stadiumi ekipin e tyre të zemrës në Ligën e Kampionëve, Ligën e Evropës dhe Ligën e Konferencës.

Lajmi pozitiv vjen nga UEFA që miratoi protokollin “return to play”, rregullore e hartuar me procedurat e reja për zhvillimin e ndeshjeve pas izolimit. Qeveria evropiane e futbollit bën me dije lejimin nga ana e tyre të udhëtimit të tifozëve, megjithatë ata që do të duan ta ndjekin skuadrën e zemrës edhe larg duhet të njihen me masat kufizuese të shteteve përkatëse për hyrjen në territorin e tyre.

Në sajë të rregullave të pandemisë, lejimi i tifozëve do të varet më pas vetëm nga autoritetet lokale. Nëse vendi pritës mundëson diçka të tillë, mbështetësit do të mund t’u gjenden pranë skuadrave të tyre edhe larg shtëpisë.