Siguria në fushë është rritur për të parandaluar tifozët të arrijnë te lojtarët gjatë ndeshjeve të Kampionatit Evropian.

Problemi në Euro 2024 arriti kulmin kur të paktën gjashtë tifozë u përpoqën të bënin një “selfie” me Cristiano Ronaldon të shtunën.

UEFA thotë se “masa të mëtejshme sigurie do të zbatohen” në 10 stadiumet e Gjermanisë.

“Çdo inkursion në fushë përbën një shkelje të rregullave të stadiumit dhe do të rezultojë në përjashtimin nga stadiumi, ndalim nga të gjitha ndeshjet e turneut dhe paraqitjen e një ankese zyrtare penale për shkelje”, tha UEFA.

Nuk janë zbuluar detaje të planit të përditësuar për të ndaluar personat që rrezikojnë përjashtimin nga turneu dhe ndjekjen penale për shkelje. Katër tifozë që ndiqnin Ronaldon dolën në fushë gjatë fitores 3-0 të Portugalisë ndaj Turqisë të shtunën dhe të tjerë u përpoqën pas përfundimit të ndeshjes në Dortmund.