Bagëtia e invalidit të luftës, Mehmet Hasani në Nivokaz të Gjakovës është bërë objektiv i një ujku mëngjesin e sotëm.

Në Express mbërritën pamje të rënda të një viçi të cilin ujku e la bosh në trup.

Në foto shihet se viçi është sulmuar kryesisht në stomak, ndërsa i ka mbetur vetëm koka, brinjët dhe këmbët.

Mehmet Hasani ka treguar se ujku ia kishte sulmuar bagëtinë rreth orës 4 të mëngjesit.

“I kam pas tre viça. Tani më mbetën dy”, thotë ai. Hasani tha se ka dëgjuar se ujku ka sulmuar edhe në disa fshatra përreth Nivokazit..

Kujdes! Pamje të rënda!