Ukraina do të jetë në gjendje ta mbrojë më mirë qiellin e saj nga forcat armike, sepse do të marrë pajisje ushtarake “supermoderne” nga ShBA-ja dhe Britania, ka njoftuar ambasadori i Ukrainës në Japoni, Sergiy Korsunsky.

Duke folur në një konferencë për medie, Korsunsky tha: “Ata kanë ende epërsi në forcat ajrore, në aeroplanë dhe raketa, dhe ne presim të fillojmë të marrim pajisje supermoderne nga Shtetet e Bashkuara dhe Britania për ta mbrojtur qielin dhe qytetet tona.

Kur ata lëshojnë raketa nga distanca të gjata, ne duhet t’i ‘kapim’ ato. Kjo është arsyeja pse ne kemi nevojë për këto pajisje moderne”.

Megjithatë, Korsunsky nuk dha detaje se çfarë janë këto pajisje ushtarake.