Ukraina ka pranuar se forcat e saj kryen sulme ndaj flotës ruse dhe portit në Sevastopol në Krime në fund të muajit të kaluar.

Një platformë e financimit të qeverisë tha se më 29 tetor 2022, dronët detarë goditën anijet ruse, në një operacion të kryer ekskluzivisht nga pajisje pa pilot.

Platforma tha se dronët të vegjël dhe të shpejtë kishin dëmtuar tre anije ruse, duke përfshirë Admiral Makarov, një anije luftarake fregate që është gjithashtu flamurimbajtëse e flotës ruse të Detit të Zi.

Autoritetet ruse pranuan dëmtimin e një minahedhëseje, por jo të ndonjë anijeje tjetër detare. Nuk ka asnjë konfirmim të pavarur se Makarov ishte dëmtuar rëndë.

Kostoja e çdo droni detar vlerësohet në 250,000 dollarë.