Ukraina ka pohuar se më shumë se 92 000 ushtarë rusë janë vrarë në luftë deri më tani. Ministria e Mbrojtjes ka njoftuar se nga 24 shkurti deri më 7 dhjetor, 92 740 ushtarë rusë kanë vdekur.

Ndërsa 2 935 tanke armike ishin shkatërruar, së bashku me 5 909 automjete të blinduara luftarake.

Javën e kaluar, këshilltari presidencial ukrainas Mykhailo Podolyak tha se forcat e armatosura të vendit kanë humbur deri në 13 000 ushtarë deri më tani në luftë.

Komentet e tij besohet të jenë vlerësimi i parë ukrainas i ushtarëve të vrarë që nga fundi i gushtit, kur kreu i forcave të armatosura tha se rreth 9 000 personel ushtarak ishin vrarë. Viktimat në fushën e betejës janë të pamundura për t’u verifikuar dhe Rusia dhe Ukraina mund të dëshirojnë t’i paraqesin numrat ndryshe për t’iu përshtatur qëllimeve të tyre.

Muajin e kaluar, gjenerali më i lartë i Amerikës, Mark Milley ka thënë se rreth 100 000 ushtarë rusë dhe 100 000 ukrainas janë vrarë ose plagosur që nga fillimi i luftës.