Ukraina thotë se ka rrëzuar më shumë se 30 raketa dhe dronë të “hedhura” nga Rusia drejt Kievit gjatë natës.

Duke shkruar në Telegram, autoritetet ushtarake të Kievit thanë: “Sipas informacioneve paraprake, më shumë se 30 objektiva ajrore të llojeve të ndryshme u zbuluan dhe u shkatërruan në hapësirën ajrore mbi dhe rreth Kievit nga forcat e mbrojtjes ajrore”.

Kryetari i bashkisë së Kievit, Vitali Klitschko, i cili më herët raportoi dy valë të ndara sulmesh, tha në Telegram se nuk kishte thirrje për shërbime shpëtimi.

Ndërkohë janë publikuar disa fotografi të fundit nga vija e frontit në Ukrainën lindore, përkatësisht ukrainasit në një vend të pazbuluar aty pranë.

Ndryshe, sirenat e sulmit ajror ranë në të gjithë Ukrainën herët të premten, ndërsa kryebashkiaku i Kievit raportoi shpërthime në kryeqytet.

Kjo pasoi një sulm me raketa në kryeqytet një ditë më parë, i cili vrau tre persona, përfshirë një vajzë 9-vjeçare, e cila thuhet se kishte tentuar të hynte në një strehë për bomba që ishte e mbyllur.