Ushtria ukrainase ka njoftuar se ka shkatërruar një aeroplanmbajtëse të madhe ruse në Detin e Zi, afër brigjeve të Gadishullit të pushtuar të Krimesë.

“Forcat e Armatosura të Ukrainës, së bashku me inteligjencën ushtarake (GUR), kanë shkatërruar Caesar Kunikov, aeroplanmbajtësen më të madhe që i përket pushtuesve”, ka njoftuar Shtabi i Përgjithshëm i Ukrainës më 14 shkurt.

Shtabi ka bërë me dije se anija ishte afër brigjeve të vendbanimit Alupka, kur u godit nga dronët ukrainas.

Media ukrainase, “Ukrainska Pravda”, fillimisht ka raportuar për këtë incident. Rusia nuk ka komentuar për këtë pretendim të Ukrainës, i cili nuk ka mundur të konfirmohet në mënyrë të pavarur, raporton “Rel”.

Teksa po përballet për pothuajse gati dy vjet nga pushtimi rus, Ukraina edhe më herët ka kryer sulme në Krimenë që Rusia ka pushtuar më 2014.

Në dhjetor të vitit 2023, Ukraina ka sulmuar portin Feodosia dhe Kievi atëbotë deklaroi se kishte shkatërruar një aeroplanmbajtëse ruse.