Kancelari gjerman Olaf Scholz ka thënë se ukrainasit me leje qëndrimi dhe pune, do të mund të qëndrojnë në Gjermani.

Këto komente kancelari gjerman i bëri gjatë një fjalimi të mbajtur në një ngjarje të organizuar nga grupi i gazetarëve të RND-së.

“Situata ligjore është e tillë që vendbanimi këtu nuk vihet në dyshim. Punësimi gjithashtu çon në sigurinë e vendbanimit”, tha kancelari gjerman.

Scholz gjithashtu u bëri thirrje ukrainasve në Gjermani që të gjejnë punë, transmeton Telegrafi.

“Ne shpresojmë që ata që kanë ardhur nga Ukraina do të fillojnë të punojnë sa më shpejt që të munden. Vlen të përmendet se shumë po e bëjnë këtë tashmë, por ka ende disa qindra mijëra të nevojshëm urgjentisht në tregun e punës”, shtoi ai.