Aktorja e famshme, Amber Heard, duket mjaft e lumtur në komentet e saj të para publike që nga shpërngulja e saj në Spanjë.

Heard u dha gazetarëve një përditësim të shkurtër për jetën në Madrid, ku ajo u zhvendos në fillim të këtij viti, pas betejës ligjore me ish-bashkëshortin e saj, Johnny Depp, në vitin 2022.

Në një video në rrjetin social “TikTok” e cila filloi të qarkullonte të mërkurën, aktorja e Hollywood-it foli në spanjisht ndërsa u tha gazetarëve: “Unë e dua shumë Spanjën”.

Kur u pyet nëse lëvizja ishte e përhershme, aktorja e “Aquaman” tha: Shpresoj që po. Më pëlqen të jetoj këtu.

Heard hodhi poshtë thashethemet se ajo do të tërhiqet nga bota e filmit. Kur një gazetare e pyeti nëse kishte ndonjë projekt në punë, ajo tha: “Sigurisht. Unë do vazhdoj, kjo është jeta.”

Aktorja e famshme u tërhoq kryesisht nga qendra e vëmendjes qershorin e kaluar pasi një juri e urdhëroi atë t’i paguante Depp-it 15 milionë dollarë dëmshpërblim për shpifje.

Depp e paditi pasi Heard e përshkroi veten si një “figurë publike që përfaqëson abuzimin në familje” në një shkrim të vitit 2018 në The Ëashington Post . Megjithëse nuk e përmendi emrin e Depp, Heard më parë e kishte akuzuar aktorin për dhunë në familje.