Ramadan Selimi, ish-luftëtari i Ushtrisë Çlirimtare të Kosovës dhe ish-luftëtari tjetër i UÇK-së, Vesel Aruqi, kanë ndarë kujtime rreth betejës së Pashtrikut dhe rënies së komandantit Mujë Krasniqi.

Ish-luftëtari i ushtrisë Çlirimtare të Kosovës, Ramadan Selimi, së bashku me ish-luftëtarin tjetër të UÇK-së, Vesel Aruqi, kanë folur për betejën e Pashtrikut dhe rënien në pritë të pjesëtarëve të UÇK-së.

Para 25 vjetësh në këtë pritë u vra edhe e komandantit të Brigadës 113 të Zonës Operative të Drenicës, Mujë Krasniqi – “Kapuçi” dhe 41 bashkëluftëtarëve të tij.

E gjersa po flisnin në studio të “FIVE” për rënien heroike të Krasniqit, Selimi ka treguar një rast që tregon për trimërinë e Mujë Krasniqit.

Selimi ka theksuar se edhe vetë komandanti legjendar, Adem Jashari, pohonte se Mujë Krasniqi ishte shumë trim.

“Më Mujon ne jemi rritur bashkë. Ai ka qenë rreth 7 vite më i ri se unë dhe që nga fëmijëria si djalë është parë karakter shumë i fortë, një person shumë i zhdërvjelltë… kohëve kur veç filluan celulat para të UÇK-së, Muja radhitet në këto celula dhe formohet tamam si burrë dhe trim.

E kanë kalitur edhe betejat. Në një rast mund të them në një ndje Adem Jashri pasi kthehet bashkë më Mujën nga një aksion thotë ‘burra unë i them vetit gogja trim, veç kur u fut Mujë Krasniqi, gogja u dashtë me matë vetën për me u futë edhe unë’. Është shquar si njeri trim, njëri i fjalës e i besës”, ka thënë Selimi.