Frenkie de Jong është shumë pranë transferimit te Manchester United. Telenovela e kësaj tratative duket se është drejt fundit dhe mesa duket palët kanë arritur marrëveshjen finale.

Sipas asaj që raporton Sport, takimet e fundit mes palëve kanë qenë pozitive për të gjetur një marrëveshje. Erik ten Hag e ka kërkuar me ngulm afrimin e mesfushorit holandez, të cilin e ka stërvitur më parë.

Drejtuesit e Manchester United kanë ofruar 80 milionë euro për kartonin e mesfushorit holandez. Një ofertë që është pranuar nga Barcelona dhe tashmë de Jong brenda pak ditësh do të nisë aventurën e re.