Manchester Unitedi ka konfirmuar largimin e mesfushorit Paul Pogba, i cili ka përfunduar kontratën e tij dhe nuk kanë arritur marrëveshje rinovimi.

Klubi anglez nga “Old Trafford” ka njoftuar me anë të faqeve zyrtare se ylli francez do të largohet në fund të këtij muaji.

“Klubi mund të njoftojë se Paul Pogba do të largohet nga Manchester United në fund të qershorit, pas skadimit të kontratës. Të gjithë në klub dëshirojnë ta urojnë Paul për karrierën e tij të suksesshme dhe ta falënderojnë për kontributin e tij në Manchester United. I urojmë të gjitha të mirat për hapat e ardhshëm në një rrugëtim të mrekullueshëm”, thuhet në njoftim e klubit anglez.

Pogba pëlqehet shumë nga Paris Saint-Germain dhe Real Madridi, por ish-skuadra e tij, Juventusi, thuhet se është favorit për transferimin e tij.

Once a Red, always a Red 🔴

Thank you for your service, @PaulPogba 👏#MUFC

— Manchester United (@ManUtd) June 1, 2022