Uragani “Dorian” është forcuar sërish në stuhi të kategorisë 3, pasi ka shkaktuar vdekjen e së paku 20 personave në ishujt Bahamas.

Komisionari për çështje humanitare i Kombeve të Bashkuara, Mark Lowcock, ka thënë se rreth 70 000 njerëz “kanë nevoja të menjëhershme për ndihmë” në Bahamas.

Ndihmat urgjente përfshijnë strehimin, ujin e pijshëm, ushqimet dhe ilaçet, ka thënëai.

Qendra Kombëtare e Uraganeve e Shteteve të Bashkuara tha se stuhia po lëviz drejt bregdetit të Atlantikut në ShBA, me erëra deri në 184 kilometra në orë.

“Dorian” kërcënon të përfshijë brigjet e ulëta nga Xhorxhia në jugperëndim të Virxhinias.

Të enjten, suhia pritet të zbarkojë në dy Karolinat.

Dorian ka zbarkuar në Bahamas në fillim të javës, fillimisht si stuhi e kategorisë pesë, me erëra deri në 250 kilometra në orë.

Kryeministri i Bahamas, Hubert Minnis, i ka cilësuar dëmet e shkaktuara atje si “historike”.