Ushtarët bullgarë nga Komanda Rajonale Perëndimore (RC-W) e misionit të udhëhequr nga NATO, KFOR, kanë zhvilluar një stërvitje me qitje të drejtpërdrejtë në poligonin “Voloire”, pranë Kampit Villaggio Italia.

Qëllimi i kësaj stërvitjeje siç është thënë ka qenë ruajtja dhe përmirësimi i aftësive të ushtarëve në qitje, përmes procedurave të testimit me armë individuale, duke siguruar gatishmëri dhe siguri të lartë operacionale.

“KFOR-i vazhdon të zbatojë mandatin e tij të bazuar në Rezolutën 1244 të Këshillit të Sigurimit të OKB-së të vitit 1999, duke kontribuar për një ambient të sigurt dhe të qëndrueshëm për të gjitha komunitetet në Kosovë dhe duke garantuar lirinë e lëvizjes në çdo kohë dhe në mënyrë të paanshme”.

“Ky mision funksionon në bashkëpunim të ngushtë me Policinë e Kosovës dhe Misionin e Bashkimit Evropian për Sundimin e Ligjit (EULEX), secili brenda përgjegjësive të veta si pjesë e zinxhirit të sigurisë”, është thënë në njoftimin e KFOR-it në “Facebook”.