Ushtria dhe zjarrfikësit nga Kosova i dalin në ndihmë Kukësit
09 gusht 2021
| 14:42
Pas kërkesës së kryetarit të Kukësit, Safet Gjici, forcat ushtarake e zjarrfikësit i kanë dalë në ndihmë qytetit verior të Shqipërisë. Siç dihet malet e Kukësit ka ditë që janë duke u djegur dhe që zjarri tashmë ka marrë rrugën e vet.
Edhe pse në Kukës autoritetet po vijojnë operacionin nga ajri dhe toka për shuarjen e flakëve që kanë përfshirë këtë zone, megjithatë është e pamundur të bëhet lokalizimit I tij.
Dhe për këtë arsye kreu i Bashkisë së Kukësit, Safet Gjici ka kërkuar ndihmë nga autoritetet e Kosovës pasi situata duket kritike.
Bëhet me dije se shërbimeve zjarrfikëse në Kukës, u janë bashkuar 100 forca nga Kosova, prej të cilëve 50 do të operojnë tek zona e quajtur “Laku i Thive” dhe 50 do të ndërhyjnë tej Qafa e Kumbullës.