Kryeministri Albin Kurti ka bërë me dije se arsenalit të ushtrisë sonë i kemi shtuar edhe dronë Bayraktar TB-2, të cilët qeveria i ka blerë nga Turqia.

“Në dy vjet qeverisje e kemi shtuar për mbi 80% numrin e ushtarëve dhe mbi 100% buxhetin për ushtrinë. Kosova tash është edhe më e sigurt përveçse gjithnjë krenare! Me komandantin e FSK-së gjenerallejtnant Bashkim Jashari dhe ministrin e Mbrojtjes Armend Mehaj përgëzuam oficerët që e kanë kryer trajnimin për përdorimin e dronëve”, ka shkruar Kurti në “Facebook”.