Mbrëmjen e djeshme janë mbajtur çmimet “Grammy” dhe vajza 9-vjeçare e Beyonce ka “rrëmbyer” çmimin e saj.

Beyonce dhe ajo kanë fituar një çmim “Grammy” për videon “Brown Skin Girl”.

Kjo video përcjell një mesazh për vajzat me ngjyrë dhe është bërë pjesë e albumit të Beyonces me titull “The Lion King: The Gift”

Së fundmi, në një intervistë për “ABC”, diva e muzikës tregoi dashurinë dhe pasionin që kërkon të përcjellë videoja “Brown Skin Girl”.

“Emocionohem kur dëgjoj baballarë që i këndojnë vajzave të tyre ‘Broën Skin Girl’. E lumtur që vajza ime ndihet me vetëbesim për flokët e saj të stilit afrikan dhe krenare për lëkurën e saj me ngjyrë. Kjo është arsyeja pse bëj muzikë”, tha Beyonce.