Nëntëvjeçarja Zerina Jakupi, nxënëse e klasës së IV ShFMU “Emin Duraku” në Shtime, është solidarizuar me tërmetin që goditi Shqipërinë, ku mbetën të vdekur dhjetëra persona dhe mbi 700 të tjerë u lënduan.

Zerina ka dhënë dhuratën e vet të çmueshme për Shqipërinë, një kukull.

Pra, dikush jep pensionin, dikush mëditjen, dikush strehimin, kushdo jep diçka nga mundësia dhe zemra. Zerina ka vendosur ta japë kukullën e saj për ndonjë shoqe të mërzitur për lodrat e humbura në tërmetin e kobshëm të 26 nëntorit.

Fotografia e Zerinës, e cila është publikuar nga e ëma, Kimete Hoxha, në rrjetin social “Facebook”, publikohet në versionin online të “Epokës së re”, me lejen e prindërve.

https://www.facebook.com/photo.php?fbid=3113486135346321&set=a.951917388169884&type=3&eid=ARBOKSG98_OkDWje_RBaPSaLygru1HUgwwhd1DAePSFMNjZpOr6-_aEJtlrXFSNAN2MGxutWZPeMYL2Z

/Epoka e re/