Vajza e Jakup Krasniqit me mesazh emocionues: Babi a u lodhe duke shpresuar për liri?
Gresë Krasniqi, vajza e ish-kryetarit të Kuvendit të Kosovës, Jakup Krasniqi, ka publikuar një shkrim emocionues për babanë e saj, i cili gjendet në paraburgim në Hagë.
Ajo ka pyetur nga distanca babanë e saj se a është lodhur duke shpresuar për liri.
“Do bëhesh 71 vjet shpejt, kur dhemb shpirti e trupi si ia bën babi? Ku e gjen forcën të jesh i mirë kur e keqja mbulon botën”, ka shkruar ajo në llogarinë e vet në “Facebook”.
Shkrimi i plotë dhe pa ndërhyrje i Gresë Krasniqit:
A u lodhe babi?
Duke luftuar për të drejtën dhe jetën, duke luftuar të keqën për të mirën?
Babi a u lodhe duke shpresuar për liri?
A u lodhe duke i dhënë forcë vetës për te vazhduar jetën për hir të tjetrit.
Edhe sa duroka njeriu babi?
Sa dhemb liria babi? Askush më mirë se ti sdi të përgjigjet.
Sa dhemb e mira babi, se ishe i mirë gjithnjë
Pse mirësia vret e ligësia triumfon?
Çka është drejtësia babi?
Na the të jemi të drejt, po çfar është e drejt dhe çfar jo? Si ta dallojm të mirën nga e keqja?
Çfar e dallon gëzimi nga hidhërimi?
A je mirë babi?
Kur nata vjen e je vet, çfar të mundon babi?
Plaget që ti shkaktoj jeta, kush ti shëron babi?
Do behesh 71 vjet shpejt, kur dhemb shpirti e trupi si ja bënë babi?
Ku e gjenë forcën të jesh i mirë kur e keqja mbulon botën.
A je mirë babi? Kur mëngjesi vjen e do të ngrihesh, çka të gëzon?
Thone koha shëron dhimbjen, por dhimbjen pa fund kush e shëron?
A je i fortë babi?
Kur te thyhet shpirti e mbasditet zor i kalon, a qesh dot babi kur shpirti vajton?