Aju kujtohet vajza që kërceu me Jack në filmin “Titanic”? Kjo është aktorja Alex Owens-Sarno, e cila luajti vajzën Cora, një pasagjere e klasit të tretë. Një nga skenat në të cilat ajo shfaqet është kur Jack (Leonardo DiCaprio) sjell Rose (Kate Winslet) në një festë të destinuar për pasagjerët e varfër në anije. Cora e vogël kërcen me Jack dhe më pas ai e lë atë dhe fillon të kërcejë me Rose. Cora është e zhgënjyer dhe Jack i thotë asaj “ajo është ende e dashura e tij më e mirë”, gjë që sjell një buzëqeshje në fytyrën e saj.

Megjithatë, shumë nuk e dinë “që Cora ishte në mesin e pasagjerëve që humbën jetën”. Në fakt, aktorja 36-vjeçare ka treguar së fundmi në ‘podcast’-in “After We Wrap” se skena në të cilën ajo është bllokuar me prindërit e saj në korridoret ndërsa anija fundoset ishte skena e parë që filmoi, por përfundoi duke mos qenë pjesë e versionit final të filmit.

Ka qenë kjo skenë që ka pasur ndikimin më të madh tek ajo dhe ka ndezur dëshirën për të ndjekur aktrimin. Edhe pse regjisori James Cameron u përpoq të largohej nga kjo skenë në versionin përfundimtar, audienca kërkuan që ajo të fshihej sepse mendonin se “vdekja e vajzës do të ishte e tepërt për audiencën”. Pavarësisht se ishte shkëputur nga filmi, skena u postua në internet.

Ndërkaq, një veçori e re rrëqethëse po pret tani vizitorët në Muzeun Titanic në Tennessee të SHBA-së. Muzeu, një kopje gjysmë përmasash e anijes fatkeqe, ka prezantuar një përvojë interaktive që i lejon mysafirët të ndiejnë ujin e ngrirë që duruan pasagjerët e Titanikut. Një video e vizitorëve që zhytin duart e tyre në ujë të ftohtë deri në -2 gradë Celsius, e njëjta temperaturë si Oqeani Atlantik kur u mbyt Titaniku, është bërë së fundmi virale. Eksperienca ka mahnitur rrjetin, me shumë njerëz që ndajnë reagimet e tyre ndaj të ftohtit ekstrem.