Në sallën “1 Tetori” në Prishtinë edhe të hënën ka vazhduar vaksinimi i qytetarëve me vaksinën kundër Covidit.

Koordinatori i Qendrës së Vaksinimit Niman Bardhi, ka bërë me dije se të hënën në këtë qendër janë vaksinuar mbi 250 persona, kurse në nivel vendi 3 500 persona.

Bardhi në një konferencë për medie, ka bërë me dije nga fillimi i procesit të vaksinimit mbi 138 mijë qytetarë kanë marrë vaksinën kundër Covidit.

“Aktualisht 250 persona e kanë marrë vaksinën në sallën ‘1 Tetori’, ndërsa mbi 3 500 vaksina janë dhënë në nivel vendi. Kurse nga fillimi atë e kanë marrë mbi 138 mijë persona”, është shprehur Bardhi.