Kryetari i Aleancës për Ardhmërinë e Kosovës (AAK), Ramush Haradinaj, ka bërë me dije se ka marrë vaksinën kundër Covidit.

Me këtë rast, ai u ka bërë thirrje qytetarëve që të vaksinohen në mënyrë që ta mbrojnë vetën dhe të tjerët.

“Në kuadër të përballjes me virusin Covid19, sot u vaksinova me shpresë që të mbrohemi dhe të kemi sa më pak infeksione në vend. Për vlerësim dhe mirënjohje të lartë për punën e palodhshme të QKMF ‘Adem Ukëhaxhaj’ në Deçan, veçanërisht gjatë menaxhimit të krizës së helmimit të mbi 2000 qytetarëve, dozën time të parë të vaksinës ‘Pfizer-BioNTech’ e mora pikërisht në këtë institucion shëndetësor. Vaksinohu edhe ti. Mbroj veten dhe të tjerët!”, ka shkruar Haradinaj në llogarinë e vet në “Facebook”.