Trajneri i Barcelonës, Ernesto Valverde është ndarë shumë i zhgënjyer me performancën e ekipit të tij në “Anfield Road”, ku pësoi humbje prej 4-0 për t’u eliminuar nga gjysmëfinalja e Ligës së Kampionëve.

“Për momentin jemi të shkatërruar. Kjo është e tmerrshme. Me të vërtetë na vjen shumë keq. Gjithçka që bëjmë është që t’i kënaqim tifozët dhe t’u sjellim kënaqësi atyre që të jenë krenarë me lojtarët. Por, ky është futbolli, gjëra të tilla mund të ndodhin. Kemi pasur humbje të dhimbshme në të kaluarën”, ka thënë Valverde.

“Është rezultat i tmerrshëm për fansat tonë dhe neve. Ishim të pafat, por meritat shkojnë për Liverpoolin”, është shprehur Valverde.