Kapiteni Virgil van Dijk mendon se fjalët e mira që thuhen për Liverpoolin, si skuadra më e mirë në Evropë, janë një vërtetim për mënyrën se si trajneri Arne Slot i bën ata të luajnë.

Kapiteni i “The Reds” mendon se këto fjalë janë mëse të merituara për një ekip që po dominon edhe në Premier Ligë.

Kjo deklaratë e Van Dijk vjen pas fitores së shtatë në shtatë ndeshje të luajtura në Ligën e Kampionëve këtë sezon.

“Unë mendoj se këto rezultate konfirmojnë se jemi në rrugën e duhur për të arritur ato objektiva që i kemi vënë vetes”, ka thënë Van Dijk.

“Ne punojmë në çdo ndeshje kaq shumë për të qenë një ekip shumë i vështirë për t’u mposhtur. Kur trajnerët e tjerë na lavdërojnë jo vetëm për mënyrën se si sulmojmë por edhe për mënyrën se si mbrojmë në grup, kjo është një shenjë e mirë dhe meritë për gjithë punën e palodhur që kë bërë secili nga ne”, ka shtuar Van Dijk.