Virgil van Dijk beson se paraqitjet e Xherdan Shaqirit mund të jenë vendimtare në garën për titull të kampionit në Premier Ligë.

Futbollisti shqiptar u inkuadrua në lojë në derbi ndaj Manchester United në njëzetë minutat e fundit, kurse shënoi dy gola për fitoren (3-1).

“Në fund, Shaqa i madh erdhi dhe bëri punën për ne. Ai është një lojtar fantastik. Ai e tregoi atë që nga ndeshja e parë kundër Manchester United në Amerikë. Ai është diçka ndryshe. Ishte e veçantë. Kishte shumë kohë më parë që ne nuk fitonim dot ndaj tyre në shtëpi”, ka deklaruar Van Dijki.