Zëvendëspresidenti amerikan JD Vance dhe kryetari i Kongresit, Mike Johnson u kapën në një mikrofon duke dhënë vlerësimin e tyre të sinqertë për fjalimin e ardhshëm të presidentit Donald Trump në Kongres.

Vance dhe Johnson qëndruan në foltoren e Kongresit dhe folën për disa minuta, ndërsa një pjesë e bisedës së tyre u kap në mikrofonin live përpara se presidenti të mbërrinte.

“Meqë ra fjala, unë mendoj se fjalimi do të jetë i mrekullueshëm, por nuk e di se si e bëni këtë për 90 minuta”, i tha Vance, Johnson.

“Gjëja më e vështirë ishte ta bëje atë gjatë Bidenit, kur fjalimi ishte një fjalim budallallëku i fushatës”, u përgjigj Johnson.

Por Johnson vuri re mikrofonin dhe butësisht e shtyu mënjanë, në mënyrë që të mund të vazhdonin bisedën e tyre.