Kandidati republikan për zëvendëspresident, JD Vance falënderoi ish-presidentin Donald Trump që e lejoi të bashkohej me fushatën e tij.

Duke folur me një turmë mbështetësish të mërkurën herët në West Palm Beach, Vance falënderoi Trumpin për “besimin që më dhatë”.

“Unë mendoj se ne sapo pamë rikthimin më të madh politik në historinë e Shteteve të Bashkuara të Amerikës,” tha Vance, megjithëse disa shtete ende po numërojnë votat.Ai premtoi se ai dhe Trump tani do të “udhëheqin rikthimin më të madh ekonomik në historinë amerikane”.