![](https://www.epokaere.com/wp-content/uploads/2020/05/Oliver-Varhelyi.jpg)
Varhelyi për marrëveshjen Kosovë-Serbi: Shpresoj të shënojë një epokë të re në dialog
28 gusht 2022
| 14:25
Komisionari Evropian për zgjerim, Oliver Varhelyi, ka përshëndetur marrëveshjen për lirinë e lëvizjes ndërmjet Kosovës dhe Serbisë, duke shtuar se shpreson që ajo të shënojë një epokë të re të përparimit të vërtetë në dialog.
Varhelyi përmes një postimi në llogarinë e vet në “Twitter”, ka theksuar se dialogu duhet të bazohet në marrëveshjet e ndërsjella dhe zbatimin e tyre.
“Unë e mirëpres marrëveshjen për lëvizjen e lirë ndërmjet Kosovës dhe Serbisë dhe sinqerisht shpresoj që kjo të shënojë një epokë të re të përparimit real në dialog, bazuar në marrëveshjet dhe zbatimin e ndërsjellë”, ka shkruar Varhelyi.