Atleti Muhamet Ramadani na bëri edhe një herë krenarë duke siguruar dje një medalje të bronztë në Kampionatin Evropian U-23 në Espoo të Finlandës, në disiplinën e hedhjes së gjyles.

Me një gjuajtje të jashtëzakonshme prej 19.20, ai siguroi vendin e tij në podium mes 15 garuesve tjerë.

Suksesi i Ramadanit jo vetëm që shënon sukses për karrierën e tij, por gjithashtu përfaqëson potencialin dhe talentin e sportistëve tanë që po vazhdojnë të lënë gjurmë në skenën sportive ndërkombëtare.