Të shtëna me armë po vazhdojnë të dëgjohen në veri të vendit.

Në një video të publikuar nga Klankosova.tv dëgjohen të shtëna të cilat dyshohet se nuk janë e një kalibri të vogël.

Se të shtënat ndaj Policisë së Kosovës po vazhdojnë e konfirmoi edhe kryeministri i vendit, Albin Kurti.

Ai ka thënë se kjo është arsyeja pse i kanë bërë thirrje Serbisë që të mos sponsorizojnë sulmet terroriste në veri.

“Një polic ka mbetur i vrarë sot në krye të detyrës ndërsa një tjetër ka mbetur i plagosur, në komunën veriore të Zveçanit. Të shtënat me armë kundër policisë janë në vazhdim. Kjo është arsyeja pse ne kemi bërë thirrje që Serbia të ndalojë sponsorizimin e sulmeve terroriste në veri”, ka shkruar Kurti pak më parë.

Kryeministri pritet të dalë edhe në një konferencë për media pas mbajtjes së mbledhjes së Këshillit të Sigurisë së Kosovës.