Polici francez që qëlloi për vdekje të miturin 17 vjeç, Nahelin, i ka kërkuar falje familjes së tij teksa ishte në paraburgim.

Ndërkohë që deri më tani janë arrestuar 667 persona.

Avokati i tij, Laurent-Franck Lienard, tha se polici ishte “i shkatërruar” dhe se ai nuk ngrihet në mëngjes për të vrarë njerëz.

“Fjalët e para që shqiptoi ishin kërkim-falja dhe fjalët e fundit që tha ishin për t’i kërkuar falje familjes”, shkruan BBC.

Në të gjithë Francën kanë vazhduar protestat e shumta e pas natës së tretë janë arrestuar 667 persona.

Ministri i Brendshëm Gerald Darmanin ka thënë se policia dhe zjarrfikësit u përballën me “dhunë të rrallë” që përfshiu vendin sërish mbrëmë.