Kryetari i komunës së Prishtinës, Përparim Rama, ka bërë me dije se është duke vazhduar realizimi i projektit për rregullimin e varrezave të dëshmorëve në Marec.

Ai të mërkurën ka vizituar këtë vend për të parë nga afër punimet.

“Jemi duke punuar në projektin i cili do të sjellë një ndryshim të dukshëm në varrezat e dëshmorëve tanë. Do të bëhet përmirësimi i infrastrukturës së varrezave dhe do të kemi një dizajnim të një ambienti respektues dhe të përshtatshëm. Në përgjithësi do të ketë përmirësimi të kushteve për familjarët dhe miqtë që i vizitojnë varrezat e dëshmorëve në Marec”, ka thënë kryetari Rama.