Lidhja Demokratike e Kosovës (LDK)  ka shprehur ngushëllime për ndarjen nga jeta të akademikes Edi Shukriu.

Kjo parti ka theksuar se Shukriu ishte intelektuale, akademike, shkrimtare dhe ideatore e marshit “Në Drenicë me bukë”.

“Sot, humbëm intelektualen, akademiken, shkrimtaren, arkeologen dhe historianen – të madhen Edi Shukriu.  Lidhja Demokratike e Kosovës u shpreh ngushëllime familjes, miqve dhe të gjithë atyre që e njohën e patën fatin të punojnë me të. I përjetshëm qoftë kujtimi për të!”, është thënë në njoftimin e LDK-së, e cila ka publikuar edhe telegram ngushëllimin e Lumir Abdixhiku, drejtuar familjes Shukriu.